كلام ستات وشوية تكات

كتبت / عزه السيد
كلام جميل وشوية نصائح مطبخية تخليكى لهلوبة في بيتك
لما تحمري الشعريه او المكرونه ضيفي شويه ملح للزيت عشان اللون يبقى موحد.
لما تسلقي الكرنب او القرنبيط ضيفي ربع كوبايه لبن او معلقتين كبار ورشه سكر ورشه ملح ورشه كمون عشان طعمه يبقى مسكر وكمان ما يبقاش في ريحه غازات ولونه ابيض.
لما تسلقي البيض حطي شريحه او قشره ليمون ورشه ملح عشان يمتص زفاره البيض والقشر يتقشر بسرعة
لو عندك زيت حمرتي بيه بانيه او فراخ او لحمه او كفته مترمهوش و حافظي عليه واعملي بيه تسبيكه المحشي بيطلع طعمه حلو قوي .
حطي مع الفاصوليا او اللوبيا او اي نوع او فول او عدس حته جزر في ميه النقع او ميه السليق عشان تمتص اي غازات .
في غسيل للفراخ حطي عصير ليمون وزنجبيل بود وما تخافيش بيمص الهرمونات اللي موجوده في الفراخ
حطي في كل اكلك والصلصه رشه من السكر عشان اظهار الطعم.
لما تقلي السمك حطي مع الدقيق معلقه كبيرة نشا ورشه من الكركم عشان يديك قرمشه واي حاجه هتحمريها كل كوبايه دقيق حطي معلقه نشا كبيرة .
حطي في صلصه الطماطم رشه سكر وورقتين ثلاثه ورق لورو بتديكي طعم حلو للصلصه زي صلصه المطاعم .
حطي ملح ورق لورا على على الدقيق واي نوع من البقوليات عشان ما تسوس.
خدي معلقه عسل ابيض بحبه البركه كل يوم الصبح على الريق مفيد وهيديكي طاقه وكمان اشربي كوبايه ميه.
اعملي الكيكه بالزيت وفي الاخر ادهني الصينيه بقطعه زبده .هيطلع الطعم حلو.
اعملي محسن خبز طبيعى بمعلقه خميره كبيره و نص كوبايه سكر ومعلقه خل كبيره و معلقه بيكنج بودر كبيره على ست كوبايات دقيق .
حطي نص معلقه بيكنج بودر على اي نوع كفته عشان يزود حجمها.
لو ما عندكيش ورق زبده ادهني ورق الكراريس الرسم زيت واستعمليه .
حطي قطعه جبنه او معلقه جبنه مثلثات او كريمي على البشاميل الحلو او المالح هتديكي طعم وهمي.
علشان تحافظ على الخيار لأطول مده ممكنه احفظيه فى كيس تلاجه بس فرغى الكيس من الهواء مع مناديل مطبخ.



