– ربنا قال في سورة الجن:
﴿وَأَنَّهُ تَعَالَىٰ جَدُّ رَبِّنَا مَا اتَّخَذَ صَاحِبَةً وَلَا وَلَدًا﴾ يعني إيه جد ربنا؟!
– كلمة جد هنا مش معناها “الجد” اللي هو أبو الأب.
العرب زمان كانت بتستخدم كلمة الجَد علشان تعبّر عن:
العظمة، والجلال، والقوة، والسلطان.
يعني الآية معناها ببساطة:
تعالى وعَظُمَ سلطان وملك الله.
وده لأن بعض الكفار قالوا إن لله زوجة وولد،
فالقرآن ردّ عليهم
أن الله أعظم من إنه يحتاج لزوجة أو ولد.
لأن اللي له زوجة وولد ده محتاج لهم أو له مثيل وشبيه.
لكن الله سبحانه ليس له مثيل ولا شبيه.
الله أكبر، وسلطانه أعظم من إنه يحتاج لحد معاه.
– يعني جد معناها السلطان والملك؟
– بالضبط.
وعلشان كده سيدنا محمد ﷺ كان بيقول في دعائه:
«ولا يَنْفَعُ ذا الجَدِّ منك الجَدُّ»
يعني:
لا ملك، ولا سلطان، ولا قوة في الدنيا هتنفع صاحبها قدّام ربنا.
لأن ملك البشر وسلطانهم زائل،
لكن ملك الله وسلطانه باقٍ.
اللي هينفع الإنسان بجد هو إيمانه بالله وأعماله الصالحة بس.
