– كلمة يبتكن يعني: يقطعوا.
يعني الشيطان بيقول:
هوسوس للناس لحد ما يقطعوا آذان الأنعام.
– طيب هو هيستفيد إيه من كده؟
الحقيقة إن تقطيع آذان الأنعام مش هو الهدف أصلاً.
دي مجرد وسيلة من وسائل إبليس.
الهدف النهائي لإبليس هو إنه يجعل الناس تشرك بالله.
ولو ركزت في الآية
هتلاقي إن إبليس ذكر ثلاث خطوات.
أولًا: ﴿وَلَأُضِلَّنَّهُمْ﴾
يعني يبعدهم عن الطريق الصحيح.
واللي حصل فعلًا إن البشر في البداية
كانوا يعبدون الله وحده.
لكن لما مات بعض الصالحين
وسوس لهم إبليس
إنهم يعملوا تماثيل لهؤلاء الصالحين
علشان يتذكروهم ويدعوا الله عندهم.
ثانيًا: ﴿وَلَأُمَنِّيَنَّهُمْ﴾
يعني يخليهم يعملوا ده
وهم فاكرين إنهم بيعملوا حاجة تقربهم إلى الله.
لحد ما بدأ الناس يعبدون تلك الأصنام مع الله سبحانه.
وبقى فيه طقوس
علشان يتقربوا لتلك الآلهة التي عبدوها من دون الله.
ومن الطقوس دي تقطيع آذان بعض الأنعام.
فالعرب قبل الإسلام مثلًا
كان عندهم عادات غريبة في الأنعام.
لو الناقة مثلًا ولدت عددًا معينًا من المرات
أو حصلت لها علامة معينة،
كانوا يقولوا: الناقة دي بقت مقدسة!
فيقوموا يقطعوا جزءًا من أذنها
كعلامة إنها بقت لآلهتهم.
وبعد كده ما يركبوهاش، ولا يذبحوها،
ولا يستخدموها.
يعني حيوان خلقه الله لينتفع به الناس
حرّموا على أنفسهم الانتفاع به
وهم فاكرين إن ده قربة
للآلهة التي عبدوها من دون الله.
وده بالضبط الهدف النهائي لإبليس.
يضلك ويخليك تعمل حاجة أنت فاكرها صح
وهي في الحقيقة تقودك في النهاية إلى الشرك بالله.
وكل ما تبتعد عن الله وعن الطريق الصحيح
يتحول الإنسان لمسخ بيعمل حاجات غريبة
في نفسه وفي خلق الله
علشان كده الشيطان قال بعد ذلك مباشرة:
﴿وَلَآمُرَنَّهُمْ فَلَيُغَيِّرُنَّ خَلْقَ اللَّهِ﴾
الرسالة هنا مهمة:
الشيطان ما بيجيش يقولك:
اعمل معصية واضحة.
لكن يخليك تعتقد إن الغلط ده قربة إلى الله!
زي ما حصل مع الناس دي.
علشان كده المؤمن لازم دايمًا يسأل نفسه: هل الفعل ده أمر الله به ولا لأ؟ هل ده يرضي الله فعلا ولا لأ؟
ويتمسك بالحق, ويبعد عن البدع والباطل
علشان يعيش حياته وهو يعبد الله, كما أمر الله
