حوار الفردية والزوجية بيخلينا ننفض لايام ونركز مع ايام، ونسينا ان العشرة الاواخر كلهم مهمين وان الرسول صل الله عليه وسلم كان بيجتهد فيهم اكتر من باقي الشهر.
٤- ضاعِف العبادات
حتي لو هتضغط نفسك، دول ١٠ ايام بس، يعني فترة مؤقتة، حط فيهم كل طاقتك ومجهودك، اعمل كل اللي تقدر عليه، وياسيدي ان كنت بتشتغل او بتدرس حط نوايا وخد الثواب ان شاءالله:)
٥- متستصغرش عمل صالِح
من رحمة ربنا بينا ان الصغيرة والكبيرة بنتحاسِب عليها، في مساعدة مامتك ثواب، في ملي الازايز ثواب، بواقي الاكل للقطط والكلاب ثواب، حتي تعطير سجاجيد الصلاة لاهل بيتك باذن الله ثواب.
٦- متسيبيهاش عايمة
عشر ايام هتمشي فيهم عمياني هتلاقي الايام خلصت وانت مش عامل نص اللي كنت ناويه، ورقة وقلم واكتب هتعمل ايه وازاي وامتي، كل ماتحدد كل ماهيبقي سهل التنفيذ والاستمرار ان شاءالله
٧- اكتب دعواتك
وقت الدعاء بيقع مننا حاجات مهمة بنفتكرها متأخر، الافضل نكتب كل الدعوات ونقسمها، متبقاش كلها دنيا لا وازن، لآخرتك، لنفسك، لاهل بيتك، لاصحابك، لجيرانك وهكذا
٨- حول عاداتك لعبادات بالنية
قال ﷺ:”وفي بُضع أحدكم صدقة.”
فالصحابة تعجبوا، فقال لهم إن الإنسان حتى العلاقة مع زوجته يؤجر عليها إذا احتسب النية:))!
واخيرًا افكار لاستغلال العشرة الاواخر:
• قراءة سورة الاخلاص ٣ مرات يوميًا + خواتيم سورة البقرة
• اذكار الصباح والمساء
• صدقة كل يوم ولو جنية “علي اد مقدرتك”
• قال رسول الله ﷺ: «من قام بعشر آيات لم يكتب من الغافلين، ومن قام بمائة آية كتب من القانتين، ومن قام بألف آية كتب من المقنطرين».
• ورد اذكار واجتهد في العدد ونوَع
• شجع اهل بيتك يجتهدوا في العبادات وخد ثوابهم
• الدعاء الذي علّمه النبي ﷺ لعائشة رضي الله عنها عندما سألته ماذا تقول إن وافقت ليلة القدر، فقال:«قولي: اللهم إنك عفوٌّ تحب العفو فاعفُ عني»
• من صلى العشاء في جماعة فكأنما قام نصف الليل، ومن صلى الفجر في جماعة فكأنما قام الليل كله ( لو مبتنزلوش صلوا مع اهاليكم في البيت ).
