كلام ستات وشوية تكات

كتبت / عزه السيد

كلام ستات فيه 11 سر من دهب
لو عرفتيهم عمرك ما هتغلطِي في المطبخ تاني
١/ لو مستعجلة والنار عالية على الأكل
اعرفي إنه هيبوظ والطعم هيطلع وحش
الحل؟ نار هادية
وسيبِيه يستوي على مهله… هيطلع معاكي زي العسل
٢/  وانتي بتسلقي البطاطس
حطي معلقة ملح في الميه
هتتفاجئي إن القشرة بتطلع بسهولة ومن غير ما تلزق
٣/  وانتي بتدمسي الفول
ضيفي معلقة صغيرة بيكنج بودر
تسرّع التسوية
وتخلّي قشرة الفول دايبة وناعم بعد السوا
٤/  وانتي بتحمّري الشعرية أو لسان العصفور
ضيفي نص معلقة ملح
علشان ما يتحرقش ويوحّد اللون
٥/  بعد ما تخرّطي الملوخية
ولو مش هتفوريها على طول
حطيها في طبق وغطّيها بكيس تلاجة
علشان ما تسودش
٦/ وانتي بتسلقي الكرنب
حطي معلقة كبيرة سكر
و نص معلقة صغيرة كمون
تمنع الانتفاخات بعد الأكل
٧/ وانتي بتقلي السمك
حطي قشر ليمون في زيت القلي
بيشيل أي ريحة زفارة نهائي
٨/  لو الأكل زاد ملحه منك
اعملي ايه؟
قطّعي بطاطساية نية وحطيها في الحلة
هتشد الملح الزيادة كله
٩/ عشان اللحمة تتقطع بسهولة
حطيها في الفريزر 10 دقايق بس
وهتتقطّع معاكي زي الزبدة
١٠/ لحفظ الموز فترة أطول
لفّي رأسه بـ استرتش بلاستيك
وهتلاحظي الفرق
١١/ أي روائح وحشة في التلاجة
حطي شوية بن
أو كيس فانيليا مفتوح
يشد الروائح كلها