كلام ستات وشوية تكات

كتبت / عزه السيد

كلام جميل ونصائح مطبخية لكل ست بيت شاطره

جربتى لما تيجى تعصجى اللحمة وأنت بتحطى المادة الدهنية تشوحى معاها فصين مستكة وقبل ما تطفى عليها

جربتى وأنتي بتعملى الحواوشى تضيفى معلقة طحينة أو معلقة دقيق التكة دى بتخلى اللحمة متنزلش سوائل على العيش ومتبوشهوش خصوصاً في عجينة الحواوشى الاسكندراني

جربتى وأنتي جايبة كمية بطاطس وخايفة تبوظ منك
حطى رأس توم هتخلـيها تفضل فترة طويلة من
غير ما تبوظ

جربتى وأنتي بتخزنى البامية تضيفى عصير ليمون عليها بكدة هتحتافظى على خضارها وكمان مادة حفظ

جربتى وأنتي مستعجلة وعاوزة تقشرى رأس توم وتفرميها
تجيبى مبشرة وتبشريها بالطريقة دي هيطلع القشر وحده والتوم المفروم جوه المبشرة وحده وبكدة تبقى أنجزتى

جربتى وأنتي بتعملى الكفتة تضيفى في الخلطة بتاعتها معلقة دقيق ومعلقة بيكينج باودر بودر بالطريقة دى عمرها ما
هتفك ولا تكش منك يا قمر

جربتى لما تجيبى استرتش رول ويغلبك لما تيجى تستخدميه تحطيه قبلها بعشر دقايق فى الفريزر بالطريقة دى
هيبقى سهل معاك جدا وأنتي بتستخدميه

جربتى وأنتي بتعملى الكيك تضيفى معلقة خل
هتفرق جداً فى لون وهشاشة الكيك

جربتى برضو معلقة الخل لما تيجى تفرمى التوم
علشان تخزنيه ده بيخلى لون التوم فاتح لآخر ما يخلص

جربتى تنضفى ضهر الطاسات اللى مليانة دهون بالصنفرة
الخشنة بجد رهيبة ونتايجها رووعة.