كلام ستات وشوية تكات

كتبن / عزه السيد

كلام جميل اسمعيه واعملى ليه

مطبخك مكركب ونفسك تعمليه بس مكسله قبل رمضان

يلا جهزي فوط كتيييير لاني جيبالك خطه سريعه لتنظيف مطبخك قبل رمضان (بأقل تكلفة) ومن غير تعب ولا مجهود

الوقت: ساعة يوميًا – مش أكتر

ابدأي من فوق لتحت (مهم جدًا)

1/علشان ما ترجعيش توسّخي اللي عملتيه تاني هايبقي كده بالترتيب

• الدواليب

• الشفاط

• السيراميك

• الرخام

• الأرضية

2/ أدواتك الأساسية (رخيصة جدًا)

• خل أبيض

• بيكربونات صوديوم

• سائل أطباق

• ليمون

• فوطة مايكروفايبر أو قطن قديمة

الخل + سائل الأطباق = أقوى مزيل دهون

3/تنظيف الشفاط والحيطة

طبق كبير فيه

سائل الدهون مع خل مع ليفه قويه وادعكي كويس الحيطان

4/ البوتجاز (أهم حاجة)

• فكّي العيون والشبكات وانقعيهم

• خليط: مياه سخنة + سائل + خل + ليمون

• للّمعان: نشفي بعد التنضيف بفوطه قطن ناشفه بعد ماتغسليه كويس

اما الشفاط بليفه تانيه وهانزله وهانضغه كويس بمايه مغليه الاول وادعكه كويس وارمي الليفه فورا

5/ الرخام والحوض

• سائل أطباق + مياه دافئة

• للحوض: ليمون + ملح (نظافة ولمعة وريحه حلوة

6/الدواليب من جوه

• طلعي كل حاجة

• ليفه نضيفه مع سائل الاطباق مع نقطه كلور. نضفي وامسحي كويس

• رتّبي على مزاجك وشيلي اللي مش مستخدم

7/ الأرضية

• آخر حاجة

• مياه دافئة + مطهر ارضيات منعش

• نشّفي كويس

وطبعا ليفه المطبخ من جوه وليفه الرخام والحيطان تبقي جديده

اما ليفه الشفاط او السلك تبقي قديمه وترميها فورا.