الاسرة والطفل
كلام ستات وشوية تكات
كتبت / عزه السيد
كلام مهم وشوية أفكار وتدابير منزلية
هتسهّل حياتك وتوفّر وقتك
ركّزي معايا وجربي
١/ البصل ودموعه
قبل ما تقطعيه
حطيه في الفريزر 10 دقايق
هتقطعيه ولا كأن في بصل أصلاً
٢/ رخامة تلمع من غير دهون
اخلطي خل أبيض + نقطة صابون سايل
وامسحي الرخامة
اللمعة هتفرق جدًا
٣/الفوط والمناشف وريحتها وحشة
انقعيها في مية سخنة + بيكربونات صوديوم
قبل الغسلة
والريحة هتختفي
٤/ ريحة زفارة السمك في المواعين
افركيها بـ شريحة ليمون + رشة ملح
تختفي فورًا
٥/ النمل في البيت
ارشي قرفة مطحونة
عند الأركان والشبابيك
وهتشوفيه بيهرب لوحده
٦/ الورد يعيش أطول
في الميه حطي
رشة سكر + رشة ملح صغيرة
والزهرية هتفضل فرحانة
٧/ هدوم ناعمة من غير منعم
ضيفي نص كباية خل أبيض
في دورة الشطف
ونعومة على أصولها
