هتطبخى إيه النهارده..بانيه الفراخ المقرمش

كتبت / عزه السيد

هتطبخى النهارة بانيه الفراخ المقرمش (ذهبي ولذيذ!)

المقادير:

نصف كيلو صدور دراخ بانيه (مقطعة شرايح رفيعة)
للتتبيلة: 1 بصلة متوسطة (مبشورة أو مفرومة ناعم جداً) ، 1 كوب حليب ، 1 بيضة ، 1 ملعقة صغيرة ملح ، نصف ملعقة صغيرة فلفل أسود رشة بهارات فراخ.
للتغطية: 2 كوب بقسماط ناعم ، ربع كوب دقيق
زيت غزير للقلي
بقدونس مفروم أو شرائح ليمون للتزيين (اختياري)

الطريقة:

تتبيل البانيه: اغسلي صدور الفراخ البانيه كويس ونشفيها بمناديل مطبخ.
في طبق كبير، اخلطي البصل المبشور، الحليب، البيضة، الملح، الفلفل الأسود، وبهارات الفراخ.
ضيفي شرايح البانيه في التتبيلة، وتأكدي إنها متغطية كويس.
غطي الطبق ودخليه التلاجة لمدة ساعتين على الأقل، والأفضل ليلة كاملة عشان الطعم يكون أحلى.
تحضير التغطية: في طبقين، حطي في واحد الدقيق، وفي التاني البقسماط.
طلعي شرايح البانيه من التتبيلة.
غمسي كل شريحة في الدقيق الأول، وبعدين في البقسماط، واضغطي عليها كويس عشان التغطية تمسك ومتقعش.
القلي: سخني الزيت الغزير في طاسة على نار متوسطة.
اقلي شرايح البانيه في الزيت السخن لمدة 3-4 دقايق لكل جانب، أو لحد ما تاخد لون ذهبي وقرمشة وتستوي.
طلعي البانيه على ورق مطبخ عشان تتخلص من الزيت الزيادة.
قدميه سخن مع مكرونة بصوص أحمر، بطاطس محمرة، أو أرز أبيض! وزينيه بالبقدونس أو الليمون.

وبالف هنا!