كلام ستات وشوية تكات

كتبت / عزه السيد

كلام جميل اسمعيه

تعالي اقولك شويه نصايح يا شطورة.

الثوم

ربع كيلو ثوم يتقشر ويتحط في برطمان في التلاجة.

آخر 5 دقايق في الطبخ فص واحد بس يتفرم

يدّي طعم كأنك حاطه رأس ثوم كاملة

الكفتة الاقتصادية:

على أي كمية لحمة:

رغيف عيش مبلول ومتصفي + بصلة مبشورة + معلقة صوص ديمجلاس + توابل شكليها ورصيها في صينية ودخليها الفرن. الكمية هتزيد للنص ومحدش هياخد باله

بديل الطماطم الغالية:

ربع كيلو طماطم + معلقة صغيرة بابريكا في الخلاط.

استخدميهم في الطبخ كأنك حاطه كيلو طماطم

البرجر:

ربع كيلو لحمة + نص كباية بقسماط ناعم + بصلة + توابل.

شكلي كور وافرديها واقليها في شوية زيت.

تكفي عيلة كاملة بسهولة

معلومة من أيام أجدادنا:

السكاكين والمقصات اتحطيهم في الرز طول الليل.

هتلاحظي فرق كأنك سنّتيهم وجربي بنفسك

البشاميل الاقتصادي:

٤ معالق دقيق

معلقتين سمنة

معلقتين زيت

2 كوب حليب + نص كوب شوربة ملح وفلفل ورسهةبينكج بودر ولو مفيش معلقه قشطه شغال

طعمه وقوامه تحفة ومفيش فرق عن اللي كله لبن

بديل الكريمة اللباني:

كوب لبن + معلقة دقيق ومعلقه نشأ + معلقة قشطة + معلقة زبدة يتقلبوا على البارد وبعدين على النار

أحلى قوام وأقل تكلفة

الرز البايت:

يتجمع في علبة في الفريزر.

وقت التسخين يتحط في مصفى على بخار ميه

يطلع كأنه لسه طالع من الحلة

المكرونة البايتة:

تتحط في صينية + شوية جبنة + فلفل + زيتون

وتدخل الفرن

من جمالها هيتخانقوا عليها

الشوربة الزيادة:

تتحفظ في أكياس في الفريزر

تنفع للمحشي والملوخية وأي طبيخ

وأحلى بكتير من المرقة الجاهزة .