كلام ستات وشوية تكات
كتبت / عزه السيد
اسمعى الكلام ده مهم جدا..بعض الأخطاء بنعملها بتخلي البيت والمطبخ يبان مكركب حتى لو منضفاه حاولي متعملهاش عشان يبان مجهودك وتنضيفك
— بلاش تسيبي المواعين تتراكم كل ما المواعين تزيد، تنظيفها بيبقى أصعب والريحة تبدأ تظهر اغسلي أول بأول حتى لو كام طبق بس
— عدم تهوية البيت يوميًا البيت المقفول بيحتفظ بالروائح والتراب افتحي الشبابيك كل يوم نص ساعة الصبح.
— بلاش تخزني الأكياس والعلب الفاضية بدون فايدة
بتاخد مكان وتخلي المطبخ مكركب ارمي علي طول اللي مش بتستعمليه
— بلاش استخدام نفس فوطة المطبخ لكل حاجة اعملي
فوطة للإيد وفوطه للرخامة ده يمنع نقل البكتيريا والروائح.
— عدم تنظيف مقابض الأبواب والثلاجة دي أكتر أماكن بنلمسها طول اليوم وبيبان عليها الاتساخ امسحيها بمطهر مرة يوميًا.
— وضع الأكل بدون غطاء في التلاجة بيغير ريحة التلاجة
استخدمي علب أو غطا شفاف.
— وضع حاجات كتير فوق الرخامة بيخلي المطبخ شكله ضيق ومكركب طلعي اللي بتستخدميه يوميًا بس.
— عدم تنظيف الغسالة من الداخل مع الوقت بتطلع ريحة وحشة للغسيل اعملي دورة خل ومية دافيه كل فترة.
–عدم ترتيب السرير طول اليوم رتبيه اول ماتصحي
مجرد ترتيب السرير بيخلي الأوضة شكلها أهدى وأنضف جدًا.
