الاسرة والطفل
علمني ابي ..يَكَادُ الْبَرْقُ يَخْطَفُ أَبْصَارَهُمْ ۖ كُلَّمَا أَضَاءَ لَهُم مَّشَوْا فِيهِ وَإِذَا أَظْلَمَ عَلَيْهِمْ قَامُوا ۚ
كتبت / عزه السيد
علمني ابي
– ربنا قال في سورة البقرة:
يَكَادُ الْبَرْقُ يَخْطَفُ أَبْصَارَهُمْ ۖ كُلَّمَا أَضَاءَ لَهُم مَّشَوْا فِيهِ
وَإِذَا أَظْلَمَ عَلَيْهِمْ قَامُوا ۚ
– يعني إيه:
﴿وَإِذَا أَظْلَمَ عَلَيْهِمْ قَامُوا﴾؟
والآية بتتكلم عن إيه؟
– الأية بتوصف مشهد لمجموعة من الرجال
ماشيين في ليلة شديدة الظلام،
وفجأة البرق ينور لهم لحظة.
فيستغلوا النور ويمشوا شوية.
﴿كُلَّمَا أَضَاءَ لَهُم مَّشَوْا فِيهِ﴾
لكن أول ما النور يختفي…
يقفوا محتارين مترددين.
﴿وَإِذَا أَظْلَمَ عَلَيْهِمْ قَامُوا﴾
كلمة قاموا هنا مش معناها: وقفوا من الجلوس.
لكن معناها: توقفوا عن السير.
– طيب الآية بتتكلم عن مين؟
الآية دي مثل ضربه الله للمنافقين.
لما الإسلام يحقق لهم مصلحة،
أو يوافق أهواءهم …يمشوا معاه.
لما الإسلام يطلب منهم تضحية،
أو صبر، أو جهادًا للنفس،
أو يجي عليهم أمر مش على هواهم…
يتوقفوا، ويترددوا في حيرة
