كلام ستات وشوية تكات
كتبت / عزه السيد
كلام جميل ومفيد جدا
نصايح ومعلومات تحفيزية لو جربتيها هتخلي مطبخك وبيتك نظيف دايما
قبل ماتنامي شطبي المطبخ من مواعين ومسح بوتجاز ورخامه
في آخر اليوم اغسلي فوط المطبخ ولو حتي بشويه صابون علي الحوض وانشريها علي الصبح هتكون نشفت ونضيفه وملهاش ريحه
الزيت المستخدم مايترميش في الحوض في كيس بلاستيك ويتربط كويس و يترمي في كيس الزباله
انقعي عيون البوتجاز في خل لمدة ربع ساعة هترجع بتلمع تاني
سجاد المطبخ يتنشر لو اتبل ميا ويتغسل كل فتره مش كبيره
يجب تغيير اسفنجة الاطباق كل فتره
اي حاجه بتاخذ اقل من خمس دقايق اعمليها فورا
احسن طريقه لغسل الخلاط وضع شويه ميا وسائل المواعين وشغليه بينضف جدا يدوب يتشطف
لما تغسلي انشري علي طول عشان متكسليش وكمان الغسيل ميعملش ريحه
حطي كوباية خل فى جردل المسيح مع المياه هيلمع ويطهر الأرضيات
هاتي مفرش جلد وحطيه علي السفره وقت الاكل عشان تحافظي عليها بيكون تنظيفه أسهل بعد الاكل بقماشه وشوية ديتول
ضعي سلة قمامه في كل غرفه
لبسي السله أكثر من كيس بحيث يتملي تشيليه تلاقي واحد مكانه وتوفري وقت ومجهود
افرشي مشمع فوق الدواليب والمطبخ عشان التراب
هاتي كيس بلاستيك ولفي في الشقة وارمي اي زباله مناديل اكياس اي كراكيب ملهاش لازمه.
