كلام ستات وشوية تكات

كتبت/ عزه السيد

تعالي اقولك كلام جميل وشوية نصائح مفيدة هتستفيدي منها جدا

_ دايما حطى دواسة تحت الحوض بتاعك عشان المية او اى سوايل ممكن تقع منك

_ خلى دايما فى كيس جمبك وانتى بتطبخى تحطى فية بقايا تنضيف الفراخ او السمك او الخضار وطبعا ترمية أول بأول عشان انتى عارفة ريحتة ممكن تعممل اية .

_ باسكيت الزبالة دايما خلية نضيف اغسلية دايما بمطهر ولبسية كيس ماترميش فية اى زبالة سايلة او اى حاجة تعمل روايح فية

_ دايما بعد ماتغسلى المواعيين والاطباق بالليل طهرى الحوض بشوية ليمون صغيرين مع صابونك السايل ودايما

_ لو مطبخك سيراميك وبيوقع علية دهون او زيوت وش نضيف ياعنى ودى طبعا حاجة بتضايقنا قوى كبى علية شوية ماية سخنة وخل وبريل وادعكية كويس الاول وبعد كدة امسحية

_ لو عاوزة تحافظى على لمعان الاستانلس بتاع البتوجاز بتاعك بلاش تمسحية بالمنظفات القوية زى مذيب الدهون والحجات دى عشان بتطفى اللمعة بتاعتة خلى دايما ايدك فية اول باول وامسحية ونضفية بعد كل طبخة كدة مش هيحتاج لاى منظفات غير البريل

_ وانتى بتنضفى التلاجة بتاعتك دايما امسحى الجوانب بتاعة التلاجة بفرشه اسنان وياسلام لو جبتى البخاخة بتاع كى الهدوم دى وفيها شوية مية سخنة ورشيتة عليهم وانتى بتمسحى هيطرو معاكى وتنضف بسهوله وبلاش المفارش اللى بتحطيها فى التلاجة على الارفف دى عشان بتمنع توزع البرودة بشكل كويس لباقى الارفف

_دايما فضى اكياس العدس والمكرونة والحجات دى فى علب ونظمبها بشكل كويس فى المطبخ

_ الانبوبة دايما خلى بالك منها من تحت عشان

بيتخبهاتحتها الحشرات

وكمان المكان اللى تحت الحوض دة دايما نضفية ونشفية عشان مايعملش ريحة لاانة مكان ممتاز للحشرات

_ التيربو بتاع البصل والتوم حطى فى اخر رف فية ورقة او قماشة عشان اى ورقة او فصوص توم ممكن تقع مابين الفتحات

_ لازم تهوى مطبخك يوميا وماتخليش اى زبالة بايتة فية او اى سوايل او اكل مكشوف عشان الحشرات

_ عودى نفسم تمسحى المطبخ كل يوم بعد ماتخلصى ويا سلام لو بديتول

_ دايما حافظى على شكل ونضافة الرخامة خليها دايما فاضية ماتسبيش عليها غير الغلاية مثلا وحمالة التوابل والمجات والميكرويف

_ ماتخليش فوق التلاجة كراكيب خلية دايما نضيف وفاضي وعليه مشمع

_فضى مطبخك دايما من اى كركيب يعنى لو اى حاجة مش بتستخدميها اديها لحد محتاجها.