كلام ستات وشوية تكات
كتبت عزه السيد
كلام جميل اسمعيه هيفيدك جدا
الفينو كتير عندنا ايام المدارس بدال مترمي نشفي واطحني وحطي عليه بابريكا توم بودر وبصل بودر وفلفل وملح وكاري وشطه لو عايزاه حار هيبقا احلا من الفيجيتار الجاهز وغالي وخلاص
الفراخ لما تجيبيها يا قمر لمي كراكيبها وطبعا كلنا عارفين الكراكيب حوشيها في الفريزر ممكن تعملي عليها اكله لما مصروف البيت يقصر معاكي ياقلبي
لما باخد مصروف الشهر بروح اجيب اربع او خمس فرخات بقطعهم ارباع واخد الجوانج والرقبه اشيلهم في كيس والكبد والقوانص في كيس والصدور بعملها بانيه او كفته او ناجتس حوالى كيلو كده والوراك في بقسمهم على كياس كده ضمنتى تقريبا ٧ ايام تقريبا في الشهر منهم فراخ لو عددكم كبير هتشترى بس نص كيلو جوانج او كبد وقوانص وتكملى وقطعى بطاطس مكعبات مع الكبد والقوانص هتبقى جميله .
-بروح السوبر ماركت اشترى حاجه الشهر زى طبق بيض اوفر من القطاعى لبن علبتين حلاوة جبن لانشون بشترى عجوة كمان مفيدة وخفيفه هتقلل نزولك الشارع شويه.
انا مبخدش بالباقي لبان دي علبة الأزمات لازم تكون عندك في البيت فيه فانليا بيكنج بودر كيك شيف محسن جل ڨجيتار بتنفع وقت الازمات لما بشتري طلبات باخد بالباقي ودي فكره جميله عشان ساعت بنتزنق في الحاجات البسيطة دي والوصفة بتوقف معايا
-اشترى نص زبدة بلدى وسيحيها على علبه سمنه روابي او كريستال هتدى طعم للاكل وريحه وكمان هتقعد عندك بالشهرين.
– لما تشترى فاكهه من بتاعت الموسم اشترى كيلو ونص مثلا فراوله او مانجا او اى حاجه بتتخزن شيلى النص في الفريزر تخزين مره على مره هتلاقى نفسك خزنتى من غير ماتحسى.
معظم اجوازنا بيروحوا الشغل من غير فطار بس صينيه الكيك مش هتغلبك وحطيها قدامه دايما بحيث وهو رايح الشغل ياخد حتى لو قطعه يغير ريقه بيها.
-وانت بتاخدى شاور اقفى في طبق مايه سخنه برجلك على ماتخلصى هتكون رجلك بقت فله مع دعكه حجر خفيفه وهاتى علبه فازلين وعليها نقطتين لون طعام احمر وشويه جلسرين هيبقى عندك احسن كريم دم غزال لكعب رجلك
وانت بتشترى اى حاجه وباقى معاكى فكه ممكن تحطيهم في حصاله زى ما قولتلك او تشترى بيهم بونبونى وزعيهم على اطفال الشارع بتاعك.
الطحينه غاليا اوي ومبنستغناش عنها اعمليها في البيت لو عايزينها اكتبولى
الفول غالي دمسي في البيت هيوفر معاكي وهيكون انظف بكتير
اعملي جدول لاكلاتك حسب مصروفك لو شهري او اسبوعي واكتبي اكلت اليوم واكتبي طلباتها وطلبات كل الاكلات وانزلي هاتيهم بدال ماتنزلي السوق كل شويه
لو سلقتي فرخه او لحمه وفاض شوربه اوعي ترميها ممكن تعملي عليها صنيه بطاطس او صنيه كوسه وتدخليها الفرن مع شويه ارز وتبقا اكلا موفرة مش لازم يعني فراخ ولحمه
كلنا بيفيض من اصناف الاكل اللي بنعملها اوعي ترميها لو احنافي الشتااا مفيش حاجه بتحمض يعني والصيف كله يدخل التلاجة جمعي البواقي كلها واعملي جمبها شويه بتنجان #مخلل ولو حابه شويه رز هتبقا اكله وكدة يبقا وفرانا يوم لو مصروفك قرب يخلص.
اعملي يوم اكله شعبي شويه شكشوكه طماطم بصل بيض وشويه غنوج وشويه جرجير وشويه بتنجان مقلي كشري او بصاره او صنية بطاطس في الفرن زاي زمان ونزق اليوم مع بعض.
