كلام ستات وشوية تكات
كتبت عزه السيد
شويه تكات مهمه جدا
ضيفي السكر علي اكلك وشوفي النتيجة
معلقه سكر زيك في مياة سلق الكرنب مع رشه كمون من غير ملح بتخلي لون ورق المحشي جميل.
🔸معلقه سكر في محلول المخلل بتحافظ ع قرمشة المخلل .
🔸معلقه سكر في المعجنات بتنشط الخميره.
🔸️رشه السكر الخفيفه جداً ع الصلصة بتقلل حموضه الطماطم وبتخلي الطعم متوازن.
♦️غسيل الفراخ بالخل بيخليها فيها زفارة وتتفتل انسجتها انقعيهاا ف ماء وملح وليمون وسكر .
♦️ كتر البهارات بيضيع الطعم الأساسي للأكل.
♦️لما برش الفلفل الاسود ع البصل وهو نصف تحميره بيخلي ريحته وطعمه شبه اكل امهاتنا زمان وكمان وانا بحمرة لاى صلصة اخلية ياخد لون دهبى شمى الريحة وادعيلى.
♦️تنظيف المطبخ اول باول بيحسسني براحه نفسيه مش بنظف الرخامه غير بالخل بحس اني مطمنه لاني طبعاً بحط عليها الخضار والخل بيقتل اي بكتريا.
♦️هدي النار علي الاكل وهو بيستوي بيبقي احلي واطعم.
♦️ السمنه مع الزيت علي الرز بيخليه أحلي بكتيررر من السمنه بس.
♦️معظم الخضروات اللي بفرزها زى ماهي كدة مش بسلقها الاول بتضيع فوايدها مية السلق اللي بتترمى.
🔸 البسلة بغسلها عادي وتنشف تماما واحفظها في اكياس تلاجة.
🔸 القلقاس مابيتغسلش بقطعة واعصر عليه ليمون واحفظه في اكياس تلاجة.
🔸البامية بعصر عليها ليمون عادي وبس.
♦️رشه الزعتر علي الصلصة بيخلي طعمها رهيب خصوصاً صلصه البيتزا والمكرونة.
♦️ لما بخلص خليط الكيك اخر حاجه بعملها بحط أقل من ربع معلقه كربونات مع معلقه خل وبحطهم ع الكيك دا بيخليها تنفش اكتر واستحالة تهبط منك.
♦️كل كام يوم بغلي مياه في براد الشاي أو مياه ساخنة من حنفية الحوض وبحط في الحوض معلقه كربونات مع خل بينضفه من اي رواسب أو دهون.
♦️الكربوناتو مع الخل بيفور وبينظف البراد الاستنلس من جوه ومن بره كمان وكمان بحط فية قشر ليمون وشوفى بقى اللمعان.
