كلام ستات وشوية تكات
كتبت / عزه السيد
كلام جميل ومفيد لست البيت
ما ترميش حاجة أبداً
عروق الكرنب حطيهم في برطمان ومعاهم كام فلفلية وخيارة قديمة من التلاجة
“ده مخلل بيتي… أحسن من الجاهز مليون مرة”
والدهون اللي بتنزل من اللحمة
ونعمل بيها طشة الملوخية ولا البامية
بقولك
“دي اللي بتدي الأكل ريحته الصح..
وفي المحشي…
قبل ما تقفل الحلة
تحط معلقتين قشطة بلدي
“استني لما الريحة تملى البيت
ولما تعملي طبيخ كوسة أو فاصوليا
حطي فص توم مفروم قبل ما تقفلي بخمس دقايق
أما الرز باللبن بتاع الصبح
تحمص جوز هند من غير ولا نقطة
وأصحى على ريحة تفطر القلب قبل البطن
والبليلة؟
تتعمل وتتحط في أكياس
والفول يتدمس ويشرف الفطار والعشا طول الأسبوع
ولما الرز يتحرق
تحط خبز مفرود فوقه
وتسحب ريحة الحرق
الليمون
يتغسل ويتنشف ويتحفظ في علبة فيها منديل
“هيفضل شهر كامل بيقول لك أنا لسه متقطف”
السينابون؟
“حطي زبادي في العجينة”
سر من أسرار الجمال
ودهن المعجنات بمعلقتين حليب ورشة سكر
تطلع تلمع زي الجواهر
ولو هتقطعي فلفل حامي
“ادهني إيدك زيت… ما تلعبيش بالنار بإيد فاضية”
وقشر الليمون؟
“عيب ترميه… ده منظف وهيرجع البراد جديد” تغليه فيه
والكيكة؟
“رشة نشا تعليها وتخليها قطن”
والمكنة والخلاط
“حبة ميّة وصابون.. وهي تتنضف بنفسها”.
طريقتها في الحياة كانت:
كل حاجة بسهولة ومن غير تعب
ولما أقطع البصل
تقولي: “ادهني السكينة زيت”
ولا دمعة تنزل
والبيض؟
“افصلي كرتونة البيض وحطيها في كيس في التلاجة”
توفر مكان ومش هيتكسر
