كلام ستات وشوية تكات
كتبت / عزه السيد
ده كلام جميل وشوية نصايح مطبخية هتفيدك جدًا وتفرق معاكي في الأكل:
في الخضار:
لو عايزة البصل ميدمعش عينك، حطيه في التلاجة 10 دقايق قبل التقطيع
البطاطس لو عايزاها مقرمشة، انقعيها في مياه باردة قبل القلي
في الفراخ واللحوم:
علشان الفراخ تطلع طعمها حلو، تبّليها وسيبيها شوية في التلاجة (على الأقل نص ساعة)
اللحمة لو عايزاها تستوي أسرع، حطي عليها شوية خل أو عصير ليمون بسيط
في الأرز:
علشان الأرز يطلع مفلفل، اغسليه كويس وانقعيه شوية قبل الطبخ
معلقة زيت أو سمنة بسيطة مع التسوية بتفرق في الطعم
في القلي:
حطي رشة ملح خفيفة على الزيت قبل القلي عشان تقللي الرغوة
متحطيش أكل كتير مرة واحدة علشان مايشربش زيت
في الطعم والبهارات:
حمّصي البهارات ثواني على النار قبل الاستخدام هتدي طعم أقوى
الثوم لما يتحمر خليه دهبي مش غامق عشان مايبقاش مر
نصايح سريعة:
دايمًا سيبي الأكل “يرتاح” شوية بعد التسوية قبل التقديم
جربي دايمًا التذوق وإنتي بتطبخي علشان تزبطى الطبخ.
