كلام ستات وشوية تكات
كتبت/ عزه السيد
كلام جميل وتكات لست البيت
— الاكل ميتسبش بره الثلاجة اكثر من ساعتين وداخل الثلاجة اكثر من يومين في فصل الصيف
— متحطيش البهارات جنب البوتجاز او جنب الفرن هتفقد نكهتها ومش هتبقي بنفس القوه وفسادها هيكون اسرع حطيها في رف بعيد او في الثلاجة افضل
— ريحة البيت الحلوه مش بالعطور الغاليه افتحي الشبابيك كل يوم شوية تغيير هوا البيت ده بيغير نفسية البيت كله
— الحاجات اللي تستلفيها اكثر من مره لو عندك المقدره تشتريها اشتريها ومتطلبهاش تاني
-‘ لتلميع الخشب بدل الملمعات الغاليه وريحتها نفاذه اخلطي زيت زيتون مع نقطتين ليمون وامسحي بيه الخشب بقطعة قماش قطن هيرجع يلمع كانه جديد وهيحميه من اي تشققات
— ماتسيبيش ليفة المواعين في الصابون السائل لان الميه اللي بتفضل في الليفه بتبوظ الصابون وبتعمل ريحة كمكمه وتخلي الليفه ريحتها وحشة الافضل تعصريها كويس وتسيبها ناشفه فوق الحوض
— لو الهدوم فيها وبر استخدمي ليفة مواعين نضيفه وناشفه ماشيها علي الهدوم براحه هتلم كل الوبر
— لو الزيت ريحته سمك ومضطره تقلي فيه حاجه تانيه ضعي فيه شريحة جنزبيل او عود قرفه هتمتص الزفاره وهتخلي ريحته هاديه ونضيفه
— لو عايزه تنامي نوم عميق اغسلي رجلك بميا دافيه قبل النوم بتساعد على تهدئة الجسم
— وانتي بتطبخي سمي الله وانتي داخله شقتك سمي الله وانتي بتاكلي او بتشربي بتلبسي خارجه سمي الله وانتي هتعملي اي حاجه قولي بسم الله هتلاقيها فيها بركه .
