كلام ستات وشوية تكات

كتبت عزه السيد

 

اسمعى الكلام وتعالي اقولك شويه نصائح_مهمه وقوية

عشان تكوني استاذه في بيتك يا ست الكل

وانتي بتعملى عصير اى نوع فاكهة وتحطيه فى دورق وتحطيه فى التلاجة لازم نغطيه او نضعه في زجاجات

مغلقه لانه بيفقد فيتامين ج بتعرضه للهوا وممكن يلقط ريحه من التلاجه

عندك حلل الومنيوم لونها غير عايزة ترجيعها تانى شوية خل وسائل المواعين ومعلقه ملح ليمون وادعكى وداعيلي دعوه حلوه

 

وانتي بتقلي الباذنجان بيشرب الزيت كله يبقي بعد ما تقشريه حطيه فى مصفي ورشي عليه شوية ملح وسيبيه ينزل ميته وبعدين اشطفيه وصفيه

 

كلتى اكلة باذنجان بالخل والتوم يلا بسرعه حطى عودين بقدونس فى بوقك وامضغى

طيب التوم ريحته مالية ايديكى قشر الليمون وادعكى وبعدين اشطفى ايديك

 

وانتي بتحمرى اللحمة رشي شويه ملح صغيرين للسمنة مش هطرطش وتشوهة ايديكى ابدا

 

لو حطيتى التوابل الشطة او الفلفل الاسود وزادوا

منك والاكل بقي مشطشط حطى معلقة او معلقتين لبن علي الاكل بس يكون دافى مش ساقع اهم حاجه

 

عندك ذباب كتير طيب أصيص صغير ازرعيه ريحان او نعناع الروايح اللى بتطلع منه بتطرد الذباب

 

عندك نمل و عمال يفتح ويخرم شوية خل تفاح مع مايه ورشى مناطق التجمع بتاعته المنبع او حطي شوية بن

 

عندك مطحنة وطحنتى توابل والريحة مش راضية تروح وعايزة تطحنى سكر اغسليها واطحنى فها شوية عيش محمص.

 

عشان الملح بتاعك ميرطبش حطى شوية صغيره من حبة رز جوا علبة الملح .