الصراط المستقيم
علمني أبى.. معنى {وَأَدْخِلْ يَدَكَ فِي جَيْبِكَ تَخْرُجْ بَيْضَاءَ مِنْ غَيْرِ سُوءٍ}
كتبت / عزه السيد
علمني أبى
– ربنا قال في سورة النمل:
﴿وَأَدْخِلْ يَدَكَ فِي جَيْبِكَ
تَخْرُجْ بَيْضَاءَ مِنْ غَيْرِ سُوءٍ
فِي تِسْعِ آيَاتٍ إِلَىٰ فِرْعَوْنَ وَقَوْمِهِ﴾
– يعني إيه جَيْبِكَ؟
وإيه معنى تخرج بيضاء من غير سوء؟
– كلمة جَيْبِكَ
يعني: فتحة الثوب عند الصدر.
زمان ما كانش فيه جيوب زي دلوقتي،
فكان المقصود:
إن سيدنا موسى عليه السلام
يدخل يده داخل ثوبه من ناحية الصدر.
– طيب إيه اللي كان بيحصل؟
ربنا أمر سيدنا موسى إنه يدخل يده في جيبه…
فلما يخرجها تكون مضيئة شديدة البياض
كأنها نور!
﴿تَخْرُجْ بَيْضَاءَ﴾
يعني: بيضاء نورانية لامعة بشدة.
﴿مِنْ غَيْرِ سُوءٍ﴾
يعني: من غير مرض، ولا برص، ولا أي عيب.
يعني بياض معجزة مش بياض مرض.
– طيب ده ليه؟
دي كانت واحدة من معجزات سيدنا موسى عليه السلام
علشان يواجه بها فرعون.
معجزة واضحة تدل على أنه رسول من عند الله.
ودي كانت معجزة من ضمن تسع آيات أرسلها الله إلى فرعون
ومع ذلك فضل يرفض الآية بعد الآية
حتى أتى أمر الله فأهلكه
واستحق عذاب النار في الأخرة هو ومن اتبعه