علمني أبى..هل فيه ملائكة إناث زي مافيه ملائكة ذكور؟

كتبت / عزه السيد

–

هل فيه ملائكة إناث زي مافيه ملائكة ذكور؟

– ممم سؤالك من البداية غلط

لأن مفيش ملائكة ذكور ولا إناث

– إزاي؟!

الذكورة والأنوثة

صفات ربنا جعلها في المخلوقات اللي بتتكاثر.

يعني: ذكر وأنثى

علشان يحصل بينهم زواج وييجي نسل.

لكن الملائكة… لا يتكاثرون أصلًا.

ربنا خلقهم خلقًا مباشرًا،

فبالتالي ما ينفعش نقول عليهم ذكور أو إناث.

الملائكة مخلوقات نورانية لا تتصف بصفات بقية المخلوقات

فلا تأكل ولا تشرب ولا تتزوج ولا تنام

– اللهم علّمنا ما ينفعنا، وزدنا علمًا.