كلام ستات وشوية تكات
كتبت عزه السيد
تعالي اقولك كلام جميل ومفيد وشويه نصايح ومعلومات قمر زيك
— لو اللبان مسك فهدومك مرري عليه قطعة تلج اللبان هتتجمد وتطلع بسهوله
— لو الأمير لزق فايدك افركيها بشوية بملح
— حطي راس توم وسط البطاطس مش هتزرع و هتعيش مده اطول
— لما تحبي تلزقي حاجه بالامير حطي عالشرخ مسحوق غسيل ونقطي عليه بالامير هيبقي قوته الضعف ويمنع تسرب الميه
— جلدة الانبوبه لو بتغلبك فتركيبها فالمنظم حطيها في مايه سخنه هتبقي سهله
— لو المكواه ضعيفه افردي ورق فويل تحت المفرش اللي بتكوي عليه
— متحطيش المروحه العامود جنب الحيط علطول هتسحب من حرارتها وتوزع خليها بعيد
— لو هتفرشي ارفف التلاجه هاتي مفارش مفتحه لو الارفف مفتحه و متخليش المفرش يذيد عن مقاس الرف
— لو عيزة تقللي الرطوبة من التلاجة وتحافظي على الخضار مدة أطول حطي في درج الثلاجة مع الخضار والفواكه قطعة سفنجة
— لازالة رائحة بصل أو توم من ايديكي افركيهابطمطماية أو أفركيها بكوباية استانلس
— حطي شويه ملح مع لسان العصفور او الشعريه مع التقليب هياخدوا نفس اللون في نفس الوقت
— امسحي رخامة المطبخ بخل ده بيموت البكتيريا اللي عليها وبتبقي آمنه وتلمع
— حطي علي وش الدقيق ورق لوري ومش هتشوفي فيه حشرات اطلاقا بس أهم حاجه يكون الورق علي الوش والأفضل تحفظيه في درج الثلاجة
— لما تحبي تلزقي اي حاجه نضفي مكانها الاول بقماشه عشان تلزق كويس لو فيها تراب هتفك تاني
— البطاطس ابعديها عن البصل لأنها بتعفن والاثنين بيبوظوا بعض بسبب الروايح اللي بيطلقها البصل
— حطي الشمع فالفريزر هتبقي اضاءته اقوي وهيعيش وقت اطول
— البيرسول لو رشتبه علي مفصلات الباب بتمنع الصوت
— البيرسول بيشيل بواقي الدبل فيس من عالحوائط لو رشيتيه ومسحتي بقماشه
— حطي زيت مكن خياطه أو اي زيت مش زيت اكل علي مفصلة التلاجه مش هتعمل صوت
— باب البوتجاز امسحي مفصلته بسلكة مواعين وهيقفل معاكي كويس .
