كلام ستات وشوية تكات
كتبت / عزه السيد
كلام جميل وشوية نصايح دهب هتسهّل عليكي المطبخ وتوفّر وقت ومجهود وفلوس
ركّزي معايا بقى
أول حاجة
لو هتعملي محشي
لازم تبقي عارفة كل نوع بياخد قد إيه رز وخضار
علشان تعملي على قد احتياجك
لا أكل يترمي ولا يتخزن ويغيّر طعمه
كيلو كوسة
= ربع كيلو رز
نص كيلو طماطم
2 حزمة خضرة
كرنب متوسط
= حوالي كيلو وربع رز
كيلو باذنجان
= أقل من نص كيلو رز
كيلو فلفل رومي
= نص كيلو رز تقريبًا
الشوربة قد إيه؟
▪️ الكرنب
الشوربة تغطيه بالعافية علشان ما يعجنش
▪️ ورق العنب
الشوربة تبقى أعلى منه بسنتي
▪️ الكوسة والباذنجان
أوعي تضغطي الحشوة جامد
الـرز بيتمدّد جوه ويفرقع
تاني حاجة
تقدمي إيه مع الأكلة؟
المحشي
= ملوخية خضرا + سلطة + شوربة
الكبدة
= بطاطس محمرة + سلطة + طحينة
الكفتة
▪️ بالصلصة في الفرن
رز بشعرية
▪️ مشوية أو على الفحم
= طحينة + بطاطس محمرة
البط
= دايمًا معاه محشي
الفراخ
= ملوخية خضرا
الرقاق أو الجلاش باللحمة
= شوربة + ملوخية + فراخ محمرة
المكرونة بالبشاميل
= شوربة + سلطة خضرا + ملوخية
معلومة صغيرة… بس بتفرق جامد
اعملي دايمًا على قد احتياجك
وخلي أكل بيتك فريش
وطعمه يجنّن
