كلام ستات وشوية تكات
كتبت عزه السيد
كلام مهم جدا ومفيد لست البيت
البطاطس المقليه مش بتقرمش حطيها في مياه في ميه وخلي قبل القليل ب 10 دقائق وابداي القلي في زيت بارد مش سخن هتسمعي صوت القرمشه ثاني حاجه
الفراخ مش واخده لون حلو امسحيها بمعجون طماطم وعسل ابيض قبل ما تدخليها الفرن
الكيكه دايما بتطلع نيه من النص حطي صينيه فيها ميه تحتها في الفرن البخار هيساعدها تستوي بالتساوي
الملوخيه بتسود لما تفرميها ضيفي معاها مكعب ثلج اللون هيبقى اخضر فاقع
لما تفرميها، ضيفي معاها مكعب تلج… أو رشه بيكربونات الصوديوم اللون هيبقى أخضر
عايزه الطماطم تقشر بسهوله اقطعي علامه اكس في القشره من فوق وحطيها في ميه مغليه دقيقتين هتتقشر بايدك بكل سهوله
التوم بيسود لما نفرمه بدري هنفرمه ونحطه فى برطمان ونحط عليه زيت زيتون او زيت ذره كده هتحافظي على نكهته من غير ما يسود
المعجنات بتنشف ثاني يوم وهي لسه دافيه غطيها وحطيها في علبه محكمه ولما تخرج من الفرن بخي وشها بشويه ميه.
العيش البيتي بينشف؟
وهو دافي، لفيه في قماشة قطن نظيفة، وسيبيه يبرد جوه… هيفضل طري كأنه لسه خارج من الفرن
عايزه تمنع الارز من الالتصاق قبل السلق حطي عليه شويه عصير ليمون او خل ابيض هيطلع مفلفل وهيطلع لونه ابيض زى البفته .
بديل ورق الزبده وامسحي الصينيه بشويه زيت ودقيق وفريدي فيها العجين النتيجه نفس التأثير.
