كلام ستات وشوية تكات
كتبت عزه السيد
كلام مهم هيساعدك فى تنضيف التلاجه
ازاي تنضفي وتعقمي الثلاجه و الديب فريزر من غير ميه او صابون وتخلى ريحتها حلوة
الطريقة
١-هتفضى التلاجه وتكنسيها بفرشه ناعمه
٢-هاتى طبق فيه كوب خل ونص كوب بيكربونات صوديوم (كربوناتو) واعصرى عليهم ليمونه كبيره وتسبيهم لما الفوران يهدى خالص
٣- هناخد منهم بسفنجه وندعك الجوانب والارفف وكل التلاجه
وبفرشة اسنان واغسلي من الجناب الحتت المش بتعرفي توصللها بالطريقه دي هتبقي تنضفها سهل
٤- هاتى بعد كده فوطه نظيفه قطن مبلله بالميه ومعصورة وامسحى تانى كويس
٥- سيبى التلاجه مفتوحه شويه تتهوا وتكونى محضره فنجان صغير فيه ملعقتين كبار بن (قهوة ) وتحطيه على الرف وتسبيه بدون غطاء بيسحب اى روايح فى التلاجه ومش بيسيب ريحه زى الفانيليا او المعطرات
ملحوظه :
– لو باب الثلاجه مش بيقفل كويس غرقى فوطه قطن بماء ساخن جدا ومشيها على الكاوتش اللى فى الباب واقفلى الباب واضغطى كويس عليه وسبيها ربع ساعه لان السبب بيكون ان الكاوتش نشف والحراره بترجعه تانى لطبيعته .
وممكن تمشى بالأستشوار على الكاوتش .
