كلام ستات وشوية تكات
كتبت عزه السيد
كلام مهم جدا ومفيد لست البيت
١/عند تحمير الشعرية:
حطى معلقة صغيرة ملح وانتى بتحمرى الشعرية بتوحد اللون وبتتحمر بسرعة.
2/عند غسل الكبد والقوانص:
يجب وضع الكبد والقوانص بعد غسلها فى مصفى حتى نتخلص من الماء التى تسبب زفارة حتى لو أتغسلت كويس جدا.
3/ عند تحضير البانيه:
ضيفي معلقة نشا + معلقتين دقيق على البقسماط، هيساعدوا إنه ما يتحرقش ويطلع لونه ذهبي ومقرمش.
4/ عند سلق الفراخ:
الملح يتحط من الأول مع التوابل،
أما اللحمة نسلقها بالتوابل بس ونضيف الملح في آخر التسوية علشان تفضل طريّة.
5/عند طبخ البامية:
اعصري نص ليمونة أثناء التسوية ومش هتفتح معاكي .
6/عند قلى السمك:
اعملي فيه فتحتين بالسكينة عشان يتتبل كويس ويستوي من جوه.
7/ عند تحمير اللحمة:
رشة ملح بسيطة فى الطاسة مع الزيت تمنع الطرطشة نهائيًا.
8/ عند عمل الكفتة:
حطى لكل كيلو لحمة حمرا صافي عليه ربع كيلو دهون علشان تبقى طريه.
9/ عند حفظ الجبنة:
اغلي مية وضيفي عليها 2 معلقة كبيرة لبن بودرة، وبعد ما تبرد حطي الجبنة فيها وتعيش في التلاجة لحد 3 شهور.
10/عند أستخدام الحبهان:
اضغطي عليه بالسكينة قبل الاستخدام علشان يطلع نكهته القوية في الأكل.
