الاسرة والطفل
فارس
كلمات / الدكتور أمين رمضان
تعرف .. إنت مين؟
إنت فرحة
إنت روحي
إللي عايشه
جوا روحي
من سنين
إنت نور أيامي
وأحلامي اللي جايه
فاردة جوا الكون جناحها
إنت…
حب صافي
كنت عايش
في ضمير الغيب
وأيامنا السعيدة…
عايشه فيك
جوا قلبك بتناديك
جوا عقلك بتناجيك
جوا دنيا
مشتاقة لفارس
حر في دنيا العبيد
لجل ترجع تاني
بسمة الأم الحزينة
م الآلام
لجل ما تعود الأماني
تنشر النور في المدينة
ويغيب الظلام
إنت آية
في ضمير الكون
وغاية
كل يوم بتناجينا
لجل ما نشيل الغشاوة
عن عينينا
إنت أول خطوة
في رحلة حياة
رحلة يرعاها الإله
———————
12 ديسمبر 2025
