بئر زمزم المصري | معجزة في قلب وادي النطرون يمكن الاسم يعدّي على ودنك لأول مرة بس صدّقني… لما تعرف الحكاية مش هتنساها طول عمرك ويمكن كمان تحطها على قائمة الأماكن اللي لازم تزورها. في قلب مصر وتحديدًا في وادي النطرون في مكان بسيط في شكله… بس قصته أكبر من الخيال وحكايته بتكسر كل قوانين الطبيعة. وسط بحيرة من أشد بحيرات العالم ملوحة بحيرة اسمها بحيرة السماء أو البحيرة الحمراء حصلت معجزة. أيام رحلة العائلة المقدسة وصلت السيدة مريم العذراء ومعاها الطفل عيسى عليه السلام ويوسف النجار للمكان ده وهنا… بكى الطفل من العطش. المشكلة ان المية حوالين المكان كلها مالحة لا تُشرب… ولا تصلح للحياة. في اللحظة دي رفعت مريم دعاءها لربها وفجأة… تـ ـفجّر ينبوع ماء عذب من قلب البحيرة المالحة 💦 مياه عذبة طالعة من وسط مياه مالحة علشان يشرب نبي الله في معجزة صريحة… ضد المنطق والطبيعة 😳 المشهد ده يفكرك بإيه؟ أكيد افتكرت السيدة هاجر وسيدنا إسماعيل وبئر زمزم. نفس المعجزة ونفس الفاعل…الله. الأعجب بقى؟ إن الينبوع ده لسه موجود لحد النهارده أكتر من 2000 سنة ولا جف… ولا اتغير. عاملين له بئر جوه البحيرة علشان يفصلوا بين مية النبع العذبة ومية البحيرة المالحة وبيوصلوا له دلوقتي عن طريق ممر صخري. الميه دي بيطلقوا عليها بئر مريم أو بئر زمزم المصري ويُقال إن ليها طعم مختلف وإنها بتساعد في شـ ـفاء أمـ ـراض كتير. والمفاجأة مش هنا بس… البحيرة نفسها تعتبر كنز عـ ـلاجي نازل من السماء لأنها غنية بأملاح الكبـ ـريت والبوتـ ـاسيوم وبتـ ـعالج أمـ ـراض جـ ـلدية زي: الإكـ ـزيما الصـ ـدفية وكمان أمـ ـراض المفاصل والرو ماتيزم. علشان كده بتُصنَّف كـ تاني أكبر بحيرة عـ ـلاجية في العالم بعد البحر الميت في الأردن. مكان واحد…معجزة دينية وقيمة علاجية وتاريخ لا يُقدَّر بثمن. من قراءات/ عزه السيد
