علمني أبى..﴿إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ﴾

كتبت / عزه السيد

– ربنا قال:
﴿إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ﴾

– يعني إيه ذُو الْقُوَّةِ الْمَتِينُ
وليه ربنا ذكر القوة مع الرزق؟

–﴿ذُو الْقُوَّةِ﴾
يعني: ربنا عنده قدرة كاملة على كل شيء.

﴿الْمَتِينُ﴾
يعني: قوته ثابتة مستمرة مش بتضعف ولا بتتغيّر.

– طيب ليه ده جه مع الرزق؟
– علشان قلبك يطمئن
تؤمن أن الله هو وحده الرزاق
وأن الله قوي إذا كتب رزق, مفيش حد يقدر يمنعه
ومتين, مهما بلغ عدد الخلق, فالله قادر على رزقهم كلهم
ولا حد يقدر يمنعه.

يعني ببساطة:
مش ممكن ربنا “يعجز” عن رزقك…
ولا “يتعب” من كثرة الخلق واحتياجاتهم.

فلما تؤمن بده, قلبك يطمئن…
أن رزقك مش في إيد الناس.
ولا في الظروف.
رزقك في إيد رب قوي…متين.
قادر على كل شيء

– اللَّهُمَّ ارزقنا خير العطاء وسعة الرزق وحسن الخاتمة.